十大碗粥麵專家

营业中

休息中

有次经过太子，想食下云吞面，于是就上网揾下有冇云吞面店在附近，于是就揾到呢碗。 不得不说，本人都系一个外貌协会朋友，如果店面太污糟，或者望落会坐得唔舒服，就算好食到会飞天，打死我都唔会入去。而十大碗就无呢个问题，冇传统面店个种旧而不适的感觉，反而够哂光猛，空间亦可以。 坐底叫左碗云吞面，无耐就有得食啦。首先卖相非常好，面在上，云吞在中，汤匙最下，咁就完全可以避免浸淋个面。鸭蛋面质爽口弹牙，好好食。云吞刚刚好可以一口一粒，感觉扎实而不油腻。大地鱼汤底，清澈甘香，配上清甜韮黄，回味无穷。老实讲，本人不常吃云吞面，但感觉此处的云吞面是好食的，但亦说不出有任何特别。经过可以来试一下总括黎讲，出品不错。但想黎食最好避开饭点，因为印象中外卖都要等好耐。