烤魚工房

营业中

休息中

味道食咁多次都咁正，鱼虽然已经算系啖啖肉，但对我黎讲都系比较多骨，鱼肉好滑。辣我就叫左小辣，刚刚好，唔会刺口，带出香味，如果怕辣嘅人可以一早拎起啲，因为会愈煮愈浓。饮品我叫左“手打渣男鸭屎香柠檬茶”走甜，好香柠檬味，个人好重视茶味，而佢呢杯茶味都算出，好清新，妈咪话配埋啲浓味嘢好match，好底饮，真系学店所讲“必饮”。 串烧一样保持水平，唔会柴。 茄子今次食就唔知点解会带轻微酸，上几次食都无，可能上面个蒜蓉酱问题挂。 我同妈咪都觉得份量超多，2个人食真系大满足。价格方面个人认为系香港黎讲算系品质份量同支出成正比啦。之前咁多次都系同朋友食，今次有机会就一次要带妈妈去试下，我妈超级满意👍我妈都话直得带朋友黎试，好有口福😋