影片
更多
2023-07-04
209 浏览
呢间刨冰🍧真系摆咗喺Wishlist好耐😍唔知几时开始呢啲大到成个榄球嘅刨冰就开始风靡起上嚟谂返应该系泰国𠮶排好Hit嘅After You糯米饭刨冰开始🤔呢日就同几个朋友叫咗两个嚟食一个系抹茶(My always favourite💕)一个系Tiramisu个刨冰个份量真系超大虽然话食甜品系用另外一个胃但系如果食完饭之后先至嚟食嘅话我谂3至4人share一个都唔过分首先讲一讲个抹茶口味刨冰由头到尾绵绵冰都系浸淫住抹茶味每一啖都有抹茶嘅浓郁淳厚😍唔会冰茶分离无啦啦食到一啖净系得蒸馏水味绝对无！同埋亦都因为可能佢喺个碗底𠮶度已经加咗焦糖酱所以好确保到成个刨冰都咁重口味真材实料完全没有待薄我哋嘅味蕾😋刨冰中间仲有消化饼碎增加咗刨冰嘅口感同埋饱肚充实感不至于平时食刨冰食咗阵风咁样食完又空虚又寂寞又冻又肚饿又要揾其他嘢食呢个抹茶忌廉焦糖刨冰绝对对得住呢个价钱(有突)🫶🏼至于个提拉米苏刨冰我就有少少失望可能因为太大期望🥲谂住Tiramisu 作为一个甜品都有咁多只味道又有忌廉又有咖啡又有甜酒又有手指饼如果再加埋刨冰落去应该会锦上添花而且会有丰富嘅层次感不过可能因为低温嘅食物需要更多嘅味道去触发刺激
唔知几时开始呢啲大到成个榄球嘅刨冰就开始风靡起上嚟
谂返应该系泰国𠮶排好Hit嘅After You糯米饭刨冰开始🤔
呢日就同几个朋友叫咗两个嚟食
一个系抹茶(My always favourite💕)一个系Tiramisu
个刨冰个份量真系超大
虽然话食甜品系用另外一个胃
但系如果食完饭之后先至嚟食嘅话
我谂3至4人share一个都唔过分
首先讲一讲个抹茶口味刨冰
由头到尾绵绵冰都系浸淫住抹茶味
每一啖都有抹茶嘅浓郁淳厚😍
唔会冰茶分离无啦啦食到一啖净系得蒸馏水味
绝对无！
同埋亦都因为可能佢喺个碗底𠮶度已经加咗焦糖酱
所以好确保到成个刨冰都咁重口味
真材实料完全没有待薄我哋嘅味蕾😋
刨冰中间仲有消化饼碎增加咗刨冰嘅口感同埋饱肚充实感
不至于平时食刨冰食咗阵风咁样
食完又空虚又寂寞又冻又肚饿又要揾其他嘢食
呢个抹茶忌廉焦糖刨冰绝对对得住呢个价钱(有突)🫶🏼
至于个提拉米苏刨冰我就有少少失望
可能因为太大期望🥲
谂住Tiramisu 作为一个甜品都有咁多只味道
又有忌廉又有咖啡又有甜酒又有手指饼
如果再加埋刨冰落去应该会锦上添花
而且会有丰富嘅层次感
不过可能因为低温嘅食物需要更多嘅味道去触发刺激味觉同嗅觉
我哋平时食Tiramisu感受到嘅蛋香咖啡香同酒香
因为成为咗刨冰嘅关系所以都被冰封咗
(呢个理论系我喂我只喵饮汤嘅时候发现整热咗嘅汤佢系会饮得开心啲😺)
总括嚟讲我就觉得比较普通由始至终都系同一个味道
不过整体佢嘅刨冰系出色嘅，希望下次可以试埋其他味啦💛🧡💜💚💙
$100
29 浏览
0 赞好
0 留言
张贴
