大班樓 (已搬遷) 新店位置

预早两星期订位，同屋企人食餐好既，去到唔洗等，即刻入得。黎之前大概都睇左其他人既食评，都大概谂左叫乜野食。三虾炒饭：好香，有鲜味，饭底亦都炒得好好，干身得黎唔硬，而且入晒味。十八味豉油鸡： 甜甜咸咸，比一般豉油鸡惹味，而只鸡本身好滑，钟意食鸡既必赞。花雕蟹陈村粉：正呀，花雕同蟹好夹，而且唔会有浓烈酒味，而系淡淡花雕香，带出蟹既鲜味，正到晕。陈村粉吸晒味，好难唔好食！生磨杏仁茶：杏仁茶好似好普通，其实好讲功夫。磨得好滑，好香，必试！杞子雪糕：本身雪糕太甜，但加左杞子，好似有种清新既感觉，去左之前野食既油腻感。价钱系几贵，但都算值回票价，d 特别日子想食好d, 绝对会再帮衬。