影片
更多
2024-09-13
541 浏览
其实本身喺香港都试过唔少东南亚或者泰国餐厅，呢间其实本身之前我真心想试吓，因为见佢个门面都装饰得几得意。今次喺度食完一次，我觉得我有少少对男朋友唔住，因为系我自己坚持要试嘅。但就令到佢有个唔开心嘅体验。我睇返呢度都几多好评，但系我睇返啲好评我真系有啲怀疑真实性，咁当然呢个世界可以请KOL做啦。劝喻大家可以睇返佢Social Media先知真假，其实都唔止我咁讲。公道啲讲句，门面啲泰国姐姐其实个个都好有礼貌都好有笑容，所以其实我冇期望身为都唔知系咪店长嘅物体，系一个男人着住黑色西装，你一个人嘅态度衰到咁嘅地步，其实你系好影响公司其他员工嘅努力。不过我都知道你系出份粮未必有考虑太多。讲返食物𠮶方面，当日我系叫咗细嘅冬阴功汤炒金边粉同埋串烧，猪牛鸡各两串，啲相我本来都系好有心情影低谂住做个记录。好老实，冬阴功汤系唔错嘅，都几足料。但系个金边粉个样系做得几靓，不过就真系冇乜味。我觉得串烧先至系重点，因为个串烧真系啲肉韧到不得了。不过其实我都唔系真系太过介意，有时食饭都系讲气氛讲服务态度。仲有如果安排座位你哋要留意，因为当日我就系坐正喺洗手间侧边𠮶道门，好多人出出入入可能都会好影响你哋嘅用餐体验
今次喺度食完一次，我觉得我有少少对男朋友唔住，因为系我自己坚持要试嘅。但就令到佢有个唔开心嘅体验。
我睇返呢度都几多好评，但系我睇返啲好评我真系有啲怀疑真实性，咁当然呢个世界可以请KOL做啦。劝喻大家可以睇返佢Social Media先知真假，其实都唔止我咁讲。
公道啲讲句，门面啲泰国姐姐其实个个都好有礼貌都好有笑容，所以其实我冇期望身为都唔知系咪店长嘅物体，系一个男人着住黑色西装，你一个人嘅态度衰到咁嘅地步，其实你系好影响公司其他员工嘅努力。不过我都知道你系出份粮未必有考虑太多。
讲返食物𠮶方面，当日我系叫咗细嘅冬阴功汤炒金边粉同埋串烧，猪牛鸡各两串，啲相我本来都系好有心情影低谂住做个记录。
好老实，冬阴功汤系唔错嘅，都几足料。但系个金边粉个样系做得几靓，不过就真系冇乜味。我觉得串烧先至系重点，因为个串烧真系啲肉韧到不得了。
不过其实我都唔系真系太过介意，有时食饭都系讲气氛讲服务态度。
仲有如果安排座位你哋要留意，因为当日我就系坐正喺洗手间侧边𠮶道门，好多人出出入入可能都会好影响你哋嘅用餐体验。
买单先搞笑，埋单我记得大约六百几蚊两个人，咁我男朋友想俾alipay, 大家都知道比Alipay呢啲Apps一定系要上网，但系因为其实呢间餐厅系要落地库咁而我哋亦都系坐喺厕所门侧边最角落嘅位置，所以其实接收系好差，我基本上系连Line嘅讯息都收唔到。
其实都唔紧要，呢一个着住西装嘅香港男经理(再强调一次，泰国嘅姐姐全部态度都好好）。佢拎住部机就过嚟收钱，其实基本上一间餐厅所有嘅POS嘅一定系会连佢哋自己餐厅嘅Wi-Fi，所以上网应该系唔会有任何问题。但系我哋当时只系用我哋自己手机嘅网络咁所以其实收得差都系好正常。因为网络收得差所以Alipay嘅Apps好难连线到去佢哋𠮶部收银机，如是者搞咗一轮，我就用信用卡俾咗钱先。
呢位经理先至搞笑，首先第一佢见我哋一直连唔到线，佢系咁强调话佢哋自己部机上网冇问题，话系我哋问题，讲真系边个问题都好，其实你都唔使咁强调，我又唔系唔俾钱。我同佢讲你哋上网冇问题，系因为你哋用公司嘅wifi网络, 我话我哋冇佢Wi-Fi，所以喺地牢收Network收得差。不过可能佢年纪大唔太明白我讲乜嘢啦。跟住我哋连过几次线都连唔到，佢就话我哋一直强调话我哋有问题。最后我另外用card俾钱。
成个过程佢超级惊我哋会走咗去，佢临尾仲要再讲多一次话我哋有问题，佢系咁话佢自己连到线系冇问题，然后就西面走咗去，唔使你讲多谢，但都唔想见到你西面，我系有俾钱食饭㗎。
仲有串烧同埋金边粉系唔好食嘅，再加埋咁嘅态度，真系贴钱买难受。
$600
17 浏览
0 赞好
0 留言
张贴
