瑞記咖啡

营业中

休息中

通常大隐隐于市，好食又地道既嘢都系全港既熟食中心揾得到，今次过海来到上环食瑞记，试下系咪真系咁好食先。咁啱闲日来到唔算多人，等左阵就有位。环境就系好有味道既熟食中心，都几干净。我哋两个人点左个牛肉公仔面同餐蛋包，加两枝冻奶茶。牛肉面正常发挥，个包就微热软熟，绝对唔系隔夜货，入面配料都系正常。食完面饮啖奶茶就有惊喜，奶茶茶底香浓，无比奶香盖过，甜度适中唔会太甜好似饮糖水咁，大大提升成餐饭既体验。人均都系50蚊。