至尊滿屋日本料理 (已結業)

我发现食放题既欲望系真系唔会停🤣今次黎到旺角，第一次食呢间至尊满屋！一黎紧系嗌返个海胆手卷先！海胆好甜又creamy，我觉得满屋系列既海胆手卷都唔会差得去边😀每次都一个接一个咁食，好正！！跟住就嗌返啲寿司食下！帆立贝寿司好鲜味，再配埋佢上面酸酸地既汁，好开胃！烧左口鱼边寿司都系一如既往既肥美、充满油香，加埋啲葱又系好清爽！最有惊喜系黑松露拖罗寿司，拖罗好有油脂香同好软身，加埋上面啲黑松露酱，好似呼吸入面都有黑松露咁！放题冇乜可能唔嗌既刺身🤤最有惊喜系个贝类，好大片又超爽口！仲有翡翠螺，螺肉好爽口又好甜😙好食！鳗鱼寿司系我食太多生野后会点黎暖下个口既野😁鳗鱼好软有酱香，食太多鱼生食返啲暖野会令战斗力大升！呢个寿司非常有趣，我冇乜点食过千岛酱+三文鱼既配搭😂但都几好食的😆烧菠萝超级超级甜！烧得好足好好食！牛舌好淋又大片又厚，必点啊！每次食完放题就会谂食下一次放题😂你话我舖放题瘾点甩🤣🤣