頂好香 (已結業)

系邪恶既新xx见到过江龙开黎香港，星六下午口淡淡又心血来潮黎试试；但下午3点已经好多𩠌卖晒，唔知系太多人试新野，定系试业期间入太少货呢？系无乜选择既情况下我试左1）米血糕（最后一份俾我买到！）； 2）猪耳；3）鹅肾。店内2位姨姨看店，一位好忙地切切煮煮，一位就落单同包装；姨姨有事先讲明好多单，所以要等耐d，最后等左20分钟先有得食米血糕有淡淡药材味，比较痴牙，不过好淋好入味，一份有大概7-8件；猪耳都几好味，胶质位淋 软骨位够脆又唔会硬；鹅肾就可能无咁弹牙，同埋太簿。姨姨可能见鹅肾得好少，所以俾左件芋头糕同海带搭单；味道都唔错，但如果快d同多野拣就好啦要食就快手～