喜雙逢酒家 (已結業)

附近食肆唔多，呢间叫做中规中矩，所以久唔久都会帮衬吓，希望佢唔会执 🤣🤣🤣是晚都算多人堂食，3 个人叫咗个笼仔蟹蒸糯米饭，估唔到佢最快上台，而且大大笼，每人食咗 2 碗都仲有半笼打包，味道香口，如果多啲蒜蓉更好，蟹都新鲜有羔，正 👍👍跟住嚟个椒盐豆腐，正正常常，啱晒送酒。再嚟个煲仔榄角大葱排骨，又系大大煲，好多洋葱大葱，够晒香口，最尾都有半煲打包。最后木瓜鱼肚煲，原本应该喺隔离揾张台煲，熟咗先上台嘅，但呢排人手唔够，而上𩠌个亚叔又唔知，就连个炉一齐送咗上嚟！个煲又开始滚啲汤弹晒出嚟，咁好自然我哋就熄火，亚部长不停话未熟，觉得我哋唔想个炉喺台，所以照攞走个炉放𠮶煲木瓜喺度，煲盖都唔留返比我哋 😭😭😭 咁我哋唯有等个煲汤嘅温度焗熟啲鱼肚啦，等咗阵食，个汤都好甜都可以。其实我个手袋放喺𠮶煲木瓜对住张櫈度，我系怕啲汤滚到弹啲汤落去啫。 。 。总括嚟讲，呢间酒楼大碟夹抵食，味道不过不失，希望佢挨得过个疫情啦！