瀰月屋 (已結業)

已经第二次黎食，环境好正，俾自己扮去日本，有得坐tatami，不过今次坐正常o个d，心大心细后都系拣一set三款的弥月三色同埋和月三色，果然冇令我失望。弥月三色: 最爱食烟韧野，包括葛软糍(烟烟韧韧有d黑糖味，面头有黄豆粉，最爱!)，有红豆鲷鱼烧(新鲜整，超多红豆唔太甜，细细件啱啱好)，仲有咩咩冰流(唔识日文，系d河粉状ge蒟蒻条，自己浸入冰冻黑糖汁中，消暑!)和月三色: 就啱钟意食酸甜野ge人，包括有一杯自选果汁梳打(今次试热情果，唔太甜，系细杯左d)，有一杯酸甜味ge jelly状粒粒加strawberry sauce，仲有一杯法式炖蛋(非常非常咁好味! 食过数一数二咁正! 超滑，食完个口仲有好香ge蛋同奶味! 如果可以加埋脆卜卜ge焦糖就正晒!)两款各50几蚊，可接受!