八方台式麵屋 (九龍城廣場)

营业中

休息中

之前食过一次呢间既外卖，一直念念不忘。但因为工作同住嘅地区都唔近九龙城，所以一直都过唔到嚟食。今日早咗收工，所以就揸紧机会，同男朋友过咗嚟覆桌。香港而家放宽咗堂食，所以今次终于可以食到热辣辣、新鲜嘅食物。果然亦冇辜负我哋嘅期望！主食我哋叫咗卤肉饭、同埋韭菜水饺新竹米粉。卤肉饭一如以往，keep到水准，非常香！我哋两个本身都系无饭市民，但因为太好味，真系食唔停口，食到干干净净。而韭菜水饺新竹米粉，先讲韭菜水饺，馅料非常足，韭菜味香浓，非常正！而新竹米粉配上汤底，非常入味，每一条米粉都索晒汤，汤底亦都非常滋味，连埋汤一齐食，非常香浓！小食方面，我哋叫咗师大香酥猪扒、夜市花枝丸，香酥猪扒肉质非常嫩，一啲都唔硬。炸粉唔厚，仲有一种香甜嘅味道。而花枝丸外脆内软，非常足料，热辣辣好香口，必食推介！饮品方面，我哋都试咗啲新嘢，叫咗台湾苿香绿茶同埋冷泡桂花乌龙，两个饮品都唔差，苿香同桂花味既原味都非常清晰，相信唔系靠调味料调出嚟。.我哋两个人食饱饱埋单都系百几蚊，以呢个价钱，食到咁嘅质素，绝对系超值！餐厅并唔系装修得非常高级，走简洁路线，绝对系实而不华嘅代表。