影片
更多
2012-10-31
1568 浏览
对于私房菜，一向都冇乜好感！记得十几年前，去食【大平伙】，好唔好食见仁见智，临尾再加插老板娘大展歌喉，对唔住，咁有特色嘅嘢，无论味觉定系听觉，小弟都唔识欣赏！早两个星期，朋友生日，另一朋友话，刚刚食过一间叫【梓橦堂】嘅私房菜，好有特色！吓！又好有特色？！老板会唔会唱歌ga？唔会！咁都好啲……不过会整陶瓷！吓！人鬼情未了！【梓橦堂】环境算唔错，但系环境唔会食得饱，最紧要就系d菜好唔好食！我地十个人坐定定，突然厨房烟雾迷漫，开头以为火烛，再望真d原来上头盘，总共四小碟，用小呢个字，绝对冇花假！包括豆腐仔、鲍鱼仔，仲有唔知乜嘢仔同物嘢仔，仔仔一堂！但食完好似冇食过咁‧跟住再嚟个鸡汤，味道清得嚟又几浓，我知好矛盾，但感觉又真系咁‧跟住又嚟唔知咩小点，一人一块神主牌，摆住3粒嘢，又系食完唔知食咗乜嘅感觉……样样都得丁咁多多，心谂点会食得饱…即时暗中上google map，Search最近嘅新钊记位置‧但系…世事就系咁大上大落，跟住嚟个唔知咩小炒皇，面盘咁大！荷叶饭，体积劲过焚化炉！碟菜足足有3斤重！仲有只好香嘅烟熏鸡，即时饱到上心口！埋单位位488，不过仲要加一，你话好唔好食？算系咁啦！你话值唔
对于私房菜，一向都冇乜好感！
记得十几年前，
去食【大平伙】，
好唔好食见仁见智，
临尾再加插老板娘大展歌喉，
对唔住，
咁有特色嘅嘢，
无论味觉定系听觉，
小弟都唔识欣赏！
早两个星期，
朋友生日，
另一朋友话，
刚刚食过一间叫【梓橦堂】嘅私房菜，
好有特色！
吓！
又好有特色？！
老板会唔会唱歌ga？
唔会！
咁都好啲……
不过会整陶瓷！
吓！
人鬼情未了！
【梓橦堂】环境算唔错，
但系环境唔会食得饱，
最紧要就系d菜好唔好食！
我地十个人坐定定，
突然厨房烟雾迷漫，
开头以为火烛，
再望真d原来上头盘，
总共四小碟，
用小呢个字，绝对冇花假！
包括豆腐仔、鲍鱼仔，
仲有唔知乜嘢仔同物嘢仔，
仔仔一堂！但食完好似冇食过咁‧
跟住再嚟个鸡汤，
味道清得嚟又几浓，
我知好矛盾，但感觉又真系咁‧
跟住又嚟唔知咩小点，
一人一块神主牌，摆住3粒嘢，
又系食完唔知食咗乜嘅感觉……
样样都得丁咁多多，
心谂点会食得饱…
即时暗中上google map，
Search最近嘅新钊记位置‧
但系…
世事就系咁大上大落，
跟住嚟个唔知咩小炒皇，
面盘咁大！
荷叶饭，体积劲过焚化炉！
碟菜足足有3斤重！
仲有只好香嘅烟熏鸡，
即时饱到上心口！
埋单位位488，
不过仲要加一，
你话好唔好食？
算系咁啦！
你话值唔值？
咁就见仁见智啦！
张贴
