新南苑私房菜火鍋鷄煲 (華僑商業中心) (已搬遷) 新店位置

之前上网睇到介绍老公一直想黎试，今日终于可以摆低阿女出嚟二人撑枱脚。因为我一早订定位，所以好快职员安排左座位俾我哋。坐低左就介绍佢哋唔同嘅放题，有海鲜同埋牛，我哋就拣咗海鲜果款。汤底就系冬东海龙王汤底。个汤底一嚟到不禁哗咗一声，成旧冬瓜喺晒度，入边仲有成条鱼，劲丰富。之后佢仲有每人半只肉蟹，啖啖肉啊。海鲜拼盘十分丰富，圣子大大只，只鲍鱼新鲜到识郁架，仲有一碟安格斯牛。不得不提佢任食火锅料𠮶度龙趸片都系任食，我仲食咗好多脆肉鲩。你点几多，佢送黎几多，完全冇漏单嘅情况。蔬菜类呢唔需要点解佢直接有个自助区。我仲饮咗好多佢哋自家凉茶，而且佢仲有椰青水。唔饮呢啲都唔紧要佢个嘢饮种类十分之多。服务同食物都系超高质素。