樂糖 (已結業)

一入到呢间甜品店已经觉得好靓，成个店面都系我最钟意既白色云石！同朋友叫左三样野，因为见到好多人推介士多啤梨朱古力班戟（$55），咁当然都要试下啦！班戟即点即煎，上到黎仲好暖。就咁食左一旧，pancake松软而有朱古力香味。 我最钟意都系d酸酸甜甜既士多啤梨干，趁埋一齐食味道好恰当，唔会太甜。但对于我地食tea黎讲，份量真系几大份！开头望落menu仲好想点绿茶心太软，但最后都想试个特别少少既－黑芝麻豆腐心太软（$52）。我想像中系好似芝麻汤圆果种流心再加豆腐，但原来入面系豆腐花黎，几特别。 外层芝麻味够浓又不会太干身，但整体黎讲我就觉得可以甜少少，毕竟食心太软都好期待佢有个又甜又浓既流心部份。至于豆腐雪糕就真系有惊喜，捞左芝麻同饼碎一齐食真系好香好好味！最后仲有个甜甜蜜蜜芭菲（$52），虽然我就唔系好钟意食脆米，但呢个甜品特别在够fresh╴雪梨非常清甜，乳酪酸甜度都好适中。