影片
更多
2021-12-26
481 浏览
记住，睇食评最重要睇负评。讲重点：呢餐午饭两个人食咗近$1300。个人认为，好唔值。唔推荐。而且service非常赶客，我同朋友食完都话一定唔会再嚟。前菜叫咗Oeuf Mayo同escargots。主菜叫咗Duck Leg Confit 同Beef Tenderloin。甜品叫咗 passion fruit crime brûlée。Conclusion: 冇样好。首先讲咗主菜先：只鸭煮得唔好。原本期望会系外脆内软，鸭肉带浓郁肉汁的。但实际上，毫无特色。鸭皮好似腊肉咁硬，而且唔够热。鸭肉味严重欠奉，而且肉质好鞋口，用刀都好难切。唉，呢只鸭真系白白牺牲咗。Beef Tenderloin 同样差。首先我个人唔系特别想食鹅肝（详情可以看看鹅肝的制作过程），但佢偏偏要喺牛扒上面放一件鹅肝。所以，如果两个人想食牛扒，就逼住要食啰。然后呢，块肉切得好厚。本身系一件好事，但系肉质靭，干争争，肉汁也欠奉。食落就知唔系特别好嘅扒。咁嘅价钱，我情愿去la vache食。另外加钱食嘅薯条，幼身又唔脆。跟住讲返前菜：田螺六件，不连壳。调味有啲似蒜蓉粉丝扇贝𠮶只汁啰。不过不失。但个人唔觉得有其他食评讲得咁惊为天
讲重点：呢餐午饭两个人食咗近$1300。个人认为，好唔值。唔推荐。而且service非常赶客，我同朋友食完都话一定唔会再嚟。
前菜叫咗Oeuf Mayo同escargots。
主菜叫咗Duck Leg Confit 同Beef Tenderloin。
甜品叫咗 passion fruit crime brûlée。
Conclusion: 冇样好。
首先讲咗主菜先：
只鸭煮得唔好。原本期望会系外脆内软，鸭肉带浓郁肉汁的。但实际上，毫无特色。鸭皮好似腊肉咁硬，而且唔够热。鸭肉味严重欠奉，而且肉质好鞋口，用刀都好难切。唉，呢只鸭真系白白牺牲咗。
Beef Tenderloin 同样差。
首先我个人唔系特别想食鹅肝（详情可以看看鹅肝的制作过程），但佢偏偏要喺牛扒上面放一件鹅肝。所以，如果两个人想食牛扒，就逼住要食啰。然后呢，块肉切得好厚。本身系一件好事，但系肉质靭，干争争，肉汁也欠奉。食落就知唔系特别好嘅扒。咁嘅价钱，我情愿去la vache食。另外加钱食嘅薯条，幼身又唔脆。
跟住讲返前菜：
田螺六件，不连壳。调味有啲似蒜蓉粉丝扇贝𠮶只汁啰。不过不失。但个人唔觉得有其他食评讲得咁惊为天人。
只沙律蛋就唔使讲啦。谂都谂到咩味。
甜品系1.5个热情果crème brûlée。酸酸甜甜，性价比低。同样不过不失。
但系呢度嘅Service真系不敢恭维。
1. 成千几蚊一餐，真心冇预期会比个女waitress 赶赶赶。（我到而家都唔知道系咪限时90分钟？）咁嘅价钱，我哋主菜还未食完，佢已经问我哋叫唔叫甜品。我哋叫完，再同佢话我哋台上啲嘢未食完，佢黑面，然后唔理，直接上甜品。
2. （应该系）法国男老细，嫌我地叫得少，俾晒面色。帮我哋落完单，就问我哋两个人叫一个前菜？所以我哋加多左。之后，我哋话唔叫酒，即刻唔出声，拧转身行咗去。
3. 啲碟又大，完全冇人执枱。我地要自己将啲碟堆出去先有人理。
千几蚊一餐就系咁嘅质素。会唔会外国朋友你就会有另一个待遇呢？
张贴
