初遇

营业中

休息中

今日路经见到初遇，见装修干净企理，餐牌选择多，所以入去食。三宝面，牛筋牛腩牛肚都够淋，面有嚼劲挺不错的，不过个人会喜欢软番啲。醉鸡卷，正常味道，酒味未算好入味，但都ok，肉嫰。芋泥酥，炸得好酥脆，芋头有软糯感，小小咸蛋黄但冇咸蛋味，正正常常。榨菜肉松蛋饼，呢个系最后一个黎，其实我已经食到好饱，但我居然都食到2件，我觉得呢个好食，好足料，虽然蛋饼冇蛋味，似墨西哥饼皮多啲，但榨菜肉松好ok。唯一较失望的是台湾奶茶，叫了小甜仍是很甜，而且冇乜茶味，淡色。连埋环境装修整洁程度，整体算中规中矩，对得住个价钱。至于服务，舖头冇收加一服务费，有人落单捧餐，有基本礼貌。