GRIND SIZE

营业中

休息中

每次经过都被佢个「穷」字吸引到视线，不其然就入去叹杯啡。餐厅装修以灰白色为主，墙上有个相当吸睛嘅世界地图。上一层第一眼便见到「见字饮啡」四个大字。楼上有榻榻米同梳化位，地方更阔落感觉更自成一角。Chill住叹Flat White等开饭感觉特别正。另外，见到佢哋有好多好吸引既饮品，个人心水：奶盖蔗汁乌龙茶、芒果百香果梳打、桂花拿铁，真系要嚟多几次先试得哂😆本来见有餐汤/ 沙律、前菜、主菜同饮品好抵，打算叫二人晚餐。但一见到「手工龙虾汁蟹肉猫耳朵」，又抵抗唔到龙虾嘅诱惑。每只猫耳朵都挂满浓浓嘅龙虾汁，啖啖蟹肉加埋三大只蟹钳，真系冇得弹。「慢煮牛面颊·港式沙嗲汁煎肠粉」用刀一切，就发现牛面颊比想像中更腍，用叉已经能轻易分开，入口即化而且软腍入味；肠粉点埋沙嗲汁一齐食，辣辣地非常惹味。睇到个名已经觉得好有新意嘅甜品—「不是饮品·冻奶茶」。焗热咗嘅奶茶口味心太软，一切开内𥚃就好似熔岩咁拥出嚟。配埋雪糕一齐食，真系超大满足。