潮福蒸氣石鍋 (已結業)

今日同女友家人食饭，作为未来女婿，梗系要显示自己细心的一面啦！又要拣食得好，又要有体面，又要多精致，系朋友推荐之下去左食潮福蒸气石锅！从来都未试过既我，一开头都半信半疑，食过之后就知道真系冇介绍错㖞！今次就去咗好近女朋友住嘅地方西湾河食蒸气石锅，入到去坐低就有前菜俾你食，凉拌青瓜、云耳、鸡脚都唔错！食嘢呢回事梗系揾返女朋友拍板啦，咁就一路等一路食，先来一个大闸蟹，系每人一个！大闸蟹鲜甜多膏啖啖都系胆固醇嘅朋友！之后再上嚟嘅就系烤到脆啵啵嘅乳鸽啦！乳鸭外脆内软咬落口嘅油份充斥着成个口腔真系又香又鲜甜！之后上紧嘅仲有生蚝，蒸石㶽生蚝真系非常鲜甜，配埋啲粉丝简直就系一绝！除此之外仲叫咗好多酒楼嘅糕点点心，蒸热左之后暖粒粒真系好好味！