小南國 (已結業)

跟男友好事近双方家长会面，星期日沙田区饮茶太夸张喇，唯有转呔揾间要等开门嘅食肆，就一定有位。5个人点四人套餐费事谂小食风味三拼拣左木耳、醉鸡同海蜇木耳味道微酸有香蒜味，好味；醉鸡唔太够味，一般；金瓜丝多过海蜇，口感欠奉，味道只一般。水晶河虾仁淋点镇江醋味道似食赛磅蟹不同嘅系虾爽口有口感，好食。上海全家福我觉得系津白汤不过内容丰富，有包了肉嘅蛋饺、粉丝、鱼块，清淡的味道又饱肚。椒盐小黄鱼好香口鱼肉好滑，炸得好出色，但调味方面我觉得重口味，非配饭不可。红烧肉色水浓郁吸引，味道不致咸兼炆得好淋有些茶树菇衬托好好味。扒时蔬无个芡汁就更好好在菜心够嫩分散注意。小笼包热辣辣有汤汁皮又薄，赞甜品雪梨炖雪耳唔会好甜，呢个天时食就最适合不过了。