火之神

营业中

休息中

行到见攰入嚟唞吓，有乜唔开心可以同D猫倾吓。食饱咗，倾诉咗。就可以走更远嘅路。有人辞官归故里，呢间新开嘅台湾底日式料理，走简约路线，Menu选择贵精不贵多，选择困难症适合。最大嘅卖点应该系佢里便𠮶几只猫，好可爱，会同客人有interaction。店内播放悠扬嘅80年代西乐，令到餐厅好似同出边现实世界暂时分离咗咁。火爆牛肉乌冬，唔好俾佢个所谓嘅麻辣汤底吓亲，老板已经调校到适合香港人口味嘅辣度。轻柔嘅麻感，胃口大增，大块肉大啖食。日式炸猪扒咖喱蛋包饭。猪扒炸得香脆，里便嘅肉又保留到原汁原味。香浓嘅咖喱，配上幼滑嘅炒蛋，非常好送饭。煎饺子。又系佳作。炸鸡翼。高水准，鸡翼肥厚，鸡皮炸到香脆，鸡肉仍然鲜嫩多汁。