吉豚屋吉列豬扒專門店 (已結業)

见住佢周围都开分店，咁岩又唔知食咩就试下啦，当日叫左知辡味洋葱猪扒饭，呢个饭做紧promote会送埋野饮同汤，饮品有巨蜂乳酸，菊花蜜，等特饮都可以选，汤就系面豉汤，不过加左d薄既猪腩肉片，红萝卜，同白萝卜，汤既味道会比一般既面豉汤香甜，至于个饭，上面系吉列猪扒，加上佢既辡洋葱汁，个猪扒就几好食，够香又够淋，唔会好干好硬，但d汁就太少，少到跟本就冇乜汁去到饭度，同食白饭差无几，如果多d汁会再好d，猪扒下面有好多生既菜丝，再下面先系饭，饭既份量唔系好多，但因为系珍珠米，所以都够饱既，呢个餐55蚊，我觉得如果冇野饮同汤送就有d贵喇，我会情愿比多少少去食碗好食既日本拉面