嫲嫲辣辣 (福榮街) (已結業)

今日收工同女友去深水埗买电脑野，见架车咁岩泊到个表位，于是就决定食埋晚饭先返去啦！见到有间嫲嫲辣辣，令到我d口水都即刻流呀！好啦！就等佢啦！由于舖头比较细关系，同埋一枱只可以坐两人关系，都等得几耐，等左半个钟左右就有得食啦！坐低就立即点菜啦，我地都系选左个自选大锅啦！辣度就选择左微辣，配𩠌就有鱿鱼须，肥肠，鸡肾，秋葵同埋豆腐干，再加多两碗白饭，正呀！等左无耐就有啦！香喷喷，鱿鱼须就真系好惹味，份量都够，加上d辣油就配合得好完美。而肥肠师傅首先就会先走一走油，食落去会外脆内软，里面d肥膏再加上辣椒就真系好香口，可惜要揸车，如果唔系一定加支青岛，不过肥肠e类食品都唔好食咁多啦！咁住到鸡肾啦，香辣爽脆，而且鸡肾味道都好出，值得一试。秋葵啦，开头重以为系青椒黎呀，后尾想起原来自已有叫秋葵，于是就食啦，份量都好多，而且煮出黎你系重可以清洁食到里面嘅黏液，新鲜。最后就系豆腐干啦，豆腐干基本就系辣野嘅绝配，本身味道唔浓嘅豆腐干再加上辣味就真系好出色。最后我地两个都好快晒啦！埋单走人。