大吉居酒屋 (已結業)

可能系闲日关系, 又可能系斜路楼上食肆关系, 入到去到我都呆一呆, 竟然食放题的餐厅可以咁少人, 只系坐左1/4客人!! 话晒大热天时行斜路上去都几索气, 于是第一件事就系点饮品,估唔到有汽水,乌龙茶任饮, 仲要系几够冻, 赞。跟著就开始点食物, 我地先点剌身, 烧物, 沙律,乌冬/面 .......剌身一来到时, 虽然摆得好靓,但再睇真d ,系切到一粒粒唔系一片片!!!细粒到可以用牙签拮来食!  由于刺身太细粒, 我食唔到刺身应有既鲜味 , 全部都无味,可能人开始老啦,味觉有d迟钝。跟著再食乌冬 , 我地叫左2款乌冬/面, 又ok 㖞, 唔系太细碗, 不过食晒一碗又有d 饱, 我建议唔系太大食既人,2个人叫一碗试就够, 再来仲有烧物, 我觉得个份量似返一般放题烧物既size, 应大侧大(例如:烧牛舌,鲭鱼), 应细既侧细(例如:鸡软骨)亦都系最好食。讲完食,就要再讲服务同环境, 1.可能我唔彩,成个场1/4都坐唔满,咁岩我坐系滴水位,一路食一路抹滴水。 2.够钟就赶人走, 我知够钟赶人走好正常,但咁岩我朋友唔系好舒服,想慢慢企起身都唔得。总括来讲,下次唔会再帮衬。