影片
更多
2020-02-21
5526 浏览
放完新年假，心情低落，响亚士厘道附近食晏，食开𠮶两间都未开门，见到呢间其实想试好耐嘅上楼日本野有开，望吓个Menu就胆粗粗入去试一试。佢中午只有三个餐可以拣$488, $688, $888. 点餐后，个寿司师傅诚意拳拳咁话配上清酒对佢嘅食物会好味好多，我考虑紧嘅时候再讲多一次，再加上心情低落嘅关系，就话好啦。点左一支300ml久保田，点知雪柜冇晒佢自己就攞咗佢枱头𠮶支，话即刻冰镇好快可以饮到，其实我知冇可能不过见佢咁有诚意就算啦。到佢倒左第一杯之后即刻一杯而尽，即刻想吐出来，again, 𠮶日真系好伤心，所以净系想正整地咁食餐饭就算，好细声同个女侍应讲，话比佢知佢知就有问题，帮我取消咗佢。佢就走入吧枱同个寿司师傅讲，个师傅竟然大声咁话：「我支酒有问题冇可能」另外啲客人即刻望住我地，我就叫个师傅，「不如你试吓先啦」佢原本都唔肯试直到我对队个杯俾佢，饮完佢自己大声同个侍应讲：「到咗佢快啲到咗佢，水嚟㗎」其实我谂住细细声同师傅讲系唔想你惊动你啲客人，但系咁样系咪搞笑左先🤷🏾♂️隔咗2分钟佢叫个侍应攞支720出嚟，到咗一杯仔俾我，系咁叫我试，我同好好声气佢讲唔紧要，但系我真系唔想再饮酒啦。佢就
佢中午只有三个餐可以拣$488, $688, $888. 点餐后，个寿司师傅诚意拳拳咁话配上清酒对佢嘅食物会好味好多，我考虑紧嘅时候再讲多一次，再加上心情低落嘅关系，就话好啦。
点左一支300ml久保田，点知雪柜冇晒佢自己就攞咗佢枱头𠮶支，话即刻冰镇好快可以饮到，其实我知冇可能不过见佢咁有诚意就算啦。
到佢倒左第一杯之后即刻一杯而尽，即刻想吐出来，again, 𠮶日真系好伤心，所以净系想正整地咁食餐饭就算，好细声同个女侍应讲，话比佢知佢知就有问题，帮我取消咗佢。佢就走入吧枱同个寿司师傅讲，个师傅竟然大声咁话：「我支酒有问题冇可能」另外啲客人即刻望住我地，我就叫个师傅，「不如你试吓先啦」佢原本都唔肯试直到我对队个杯俾佢，饮完佢自己大声同个侍应讲：「到咗佢快啲到咗佢，水嚟㗎」
其实我谂住细细声同师傅讲系唔想你惊动你啲客人，但系咁样系咪搞笑左先🤷🏾♂️
隔咗2分钟佢叫个侍应攞支720出嚟，到咗一杯仔俾我，系咁叫我试，我同好好声气佢讲唔紧要，但系我真系唔想再饮酒啦。佢就话「已经到咗出嚟，叫你试就试啦！」我见佢咁Q烦，快啲饮完就算，点知见佢起手将支大嘅sake，到落去𠮶支到走左啲水嘅酒樽入边：我就好坚决咁同佢讲「我真系唔要啦，我真系唔想饮酒啦！」佢竟然好大声咁同我讲「你明明试咗冇问题㗎嘛，点可以咁样取消！」
𠮶一刻真系火都黎，我同佢讲我唔识叫佢计返我条前菜几多钱，我俾返佢！佢跟住好大声咁讲「我点知道𠮶啲系水，我点知道果枝系sample，我已经换咗俾你，点解你咁无赖」
我充满怒气咁同佢讲「呢一间唔系平价餐厅，我信得过你嘅食物同埋服务，我先信你介绍，但系你俾咗一支唔知装住啲乜嘢水俾我饮，你竟然觉得咁样冇问题」佢就净系不停咁话唔知同埋唔关佢事最紧要佢系唔俾我就咁取消个餐！我又确实食咗佢个前菜，所以冇可能咁走咗去。佢仲要越闹越劲，直到我拎起个电话出嚟拍佢，佢先即刻温和左，先话免费支酒比我，痴撚线！直到我话报海关报食环署，佢个侍应先帮口道歉兼夹话唔使我钱，我先可以走。
临走前我当然有同其他食客逐个道歉，始终系我嘅事影响佢哋嘅午餐。当我行到一半差唔多到门口嘅时候，个师傅竟然大声讲「Xxxxxxx, don’t ever come back again」我𠮶一刻真系停咗一停，但系真系谂下，讲多句都费事！
上网睇佢啲食物其实都有好多好评，我谂我呢个纯粹系个别事件，但系咁嘅态度，几好食甚至送口罩都吸引唔到我再去。
其实乜嘢国籍真系冇所谓，但系响度不停讲少少日文同埋大量英文去话自己系日本师傅就系一个大问题，点知原来闹人嘅时候普通话系最叻😤🤷🏾♂️
张贴
