龍門冰室 (已結業)

之前见社交平台 佢老板话告急，谂住支持下黄店。第一次嚟，点知真系中伏。一嚟已经安排喺走廊位出出入入，d 姐姐成张推车撞埋嚟，唔会讲唔好意思。问可唔可以安排坐梳化位，一句唔客气话你得两个人唔俾，我见其他人都系梳化位得两个人。咁都算啦，系咁催落单。嗌咗个dinner set，20 分钟都未黎，朋友叫姐姐望吓系咪漏单，个姐姐话一定冇，攞系你张单望下就算。朋友话，冇人帮衬其实好正常。咁就明白点解要告急，服务态度太差，收费又唔系平。食物味道一般，餐牌好少嘢拣，我问姐姐系咪剩系得ABCD餐，佢都系话餐单上面得咁多。最赶客就系依班服务生。