麵道 (已結業)

有朋友搬咗去石门站附近，所以今日就去咗佢屋企，顺便简单食个拉面，佢就带咗我嚟呢间石门站C出口一出就见到嘅面道。店舖唔算好大，感觉好似去咗日本嘅小型拉面店，好有亲切感。餐牌制作都好精美。呢排钟意食黑松露，所以就二话不说拣咗呢个黑松露蚬贝酱油汤。汤底睇落清清地，但一饮就有好浓烈嘅黑松露香味，叉烧有两款，分别系以鸡肉同豚肉制成，同时仲会附上蚬肉、玉子同火箭菜，我觉得拉面跟火箭菜呢个配搭几特别。朋友就拣咗博多鸡白汤，浓郁嘅汤底之中带点辣味，叉烧系用鸡肉制成，面质亦唔错。我朋友最钟意食葱，仲特登加$8追加咗青葱。拉面仲可以加$25追加满腹套餐，咁就有齐小食同饮品。我哋就拣咗唐扬炸鸡，虽然外表比较深色，但其实里面嘅肉质仍然保持鲜嫩，佢嘅调味亦做得唔错。另外就拣咗羽根饺子，煎得够香脆，个人认为唔使点汁都咁好食。仲想食啲蔬菜类，所以就试吓呢个柚子味付莲藕片，莲藕片非常爽口，带有柚子味嘅莲藕我都系第一次食，味道都几得意。加$25嘅套餐拣选支装麦茶都唔需要加钱，我觉得几抵饮。