影片
更多
2012-04-02
72 浏览
老公上次去食过话几好食, 佢唔甘心上次去食时啲辣油冇渣(我老公系一个辣精), 之前听朋友讲要自己出去攞先有渣, 所以今次特地去试多一次, 因为我老公实在太欣赏啲辣油啦!我住咗大埔咁多年都系第一次去食, 2点去到满晒座, 不过好快就有位. 我叫咗个牛筋河, 老公叫鱼蛋河, 跟住佢二话不说就冲出去攞辣油啦! 我咁啱喉咙唔舒服, 所以两碟俾晒佢食.我本人食河粉有三大原则: 一、河粉要薄身及完整, 唔好碎湿湿. 二、汤头要够浓, 因为河粉本身好索汤, 如果个汤淡, 食到咁上吓成碗粉变得冇味. 三、碗粉要够热. 主角到啦! 个卖相都几好, 觉得个汤应该几浓味, 一试, 唉! 啖汤唔热又淡味, 河粉厚度还可接受, 但一束束唔散开, 失望到极.老公𠮶碗鱼蛋河落咗两碟辣油, 我只系试咗粒鱼蛋, 唉! 冇味, 失望.总括而言, 佢碗河粉除咗个公鸡碗可取之外, 我真系唔认为要再去食啰!
老公上次去食过话几好食, 佢唔甘心上次去食时啲辣油冇渣(我老公系一个辣精), 之前听朋友讲要自己出去攞先有渣, 所以今次特地去试多一次, 因为我老公实在太欣赏啲辣油啦!
我住咗大埔咁多年都系第一次去食, 2点去到满晒座, 不过好快就有位. 我叫咗个牛筋河, 老公叫鱼蛋河, 跟住佢二话不说就冲出去攞辣油啦! 我咁啱喉咙唔舒服, 所以两碟俾晒佢食.
我本人食河粉有三大原则: 一、河粉要薄身及完整, 唔好碎湿湿. 二、汤头要够浓, 因为河粉本身好索汤, 如果个汤淡, 食到咁上吓成碗粉变得冇味. 三、碗粉要够热.
主角到啦! 个卖相都几好, 觉得个汤应该几浓味, 一试, 唉! 啖汤唔热又淡味, 河粉厚度还可接受, 但一束束唔散开, 失望到极.
老公𠮶碗鱼蛋河落咗两碟辣油, 我只系试咗粒鱼蛋, 唉! 冇味, 失望.总括而言, 佢碗河粉除咗个公鸡碗可取之外, 我真系唔认为要再去食啰!
张贴
