喜泰味

营业中

休息中

今日父亲去探索附近区域，然后来到丽阁商场。平时都比较少去长沙湾，今日见到呢个商场虽然唔系好大但系都几靓，见到佢唔系好高。爸爸话佢以前呢度唔系咁，附近嘅屋村多有啲旧。依家地面户外开咗几间舖头都几型。今日我哋就去试下呢间泰国嘢。首先佢请我地食虾片。食泰国嘢梗系要试下pad thai, 本人至爱。佢都有几旧虾，个味整得唔错。佢仲有层蛋系表面嘅。其他我哋仲叫咗一个虾饼。呢个佢虽然写三件，但系其实佢每件切开咗一半所以总共系有六件， 突然之间觉得都几抵食。我哋每人食咗三件其实都好多。仲叫左马拉盏炒通菜，两个人平均每人百几蚊。食完就去商场入面行下。佢入面都系食肆。多都有啲连锁嘅食肆。其他嘢就比较少。都会有电器铺 不过冷气就比较冻，不过新开嘅商场都值得兜个圈。下次再去揾下呢度其他餐厅食。