影片
更多
2022-11-05
1049 浏览
之前去日本旅行都有食过铁板烧，但都想系香港试下，就揾到间都开左好耐既系尖东附近既鉄板超。鉄板超大大话话都开左近三十年，屹立不倒一定有佢原因，今日试过后果然名不虚传。叫左个活龙虾二人前套餐，第一道菜系北海道带子，一黎到会摆低比你影下相先，见到粒带子已经好大粒，一路见到师傅整都已经流哂口水，佢既烧带子一啲都唔马虎，烧到半熟再会加上鲣鱼汤去煮一阵，鲣鱼汤仲有配埋新鲜海带，食完粒劲大劲鲜甜既带子，再饮埋佢个汤，太享受了。第二个菜系加拿大银鳕鱼，师傅烧到金黄香脆，银鳕鱼又够肥美嫩滑，重点系见到师傅可以将块鱼皮薄切出黎再烧到脆卜卜，呢下真系叹为观止。之后就到成餐既重点，活龙虾，师傅先取出龙虾膏炒热，再将龙虾肉成条起出黎，连同啱先嘅虾膏一齐炒，爽口弹牙，又够鲜甜。之后仲有个龙虾汤，真系原只龙虾头摆落去煲，真材实料。之后就到羊架，烧羊架嘅过程就系见到师傅三两下手势就已经可以将去烧熟，配埋意大利黄瓜、日本番薯同埋冬菇，羊肉劲鲜嫩，一啲都唔膻，同埋好Juicy。另外套餐仲有炒芽菜同炒饭，芽菜系新加坡芽菜，炒饭又够干身，两款都有樱花虾做配料，好比货。甜品方面仲有蜜桃味雪葩。环境系一间间房咁，有四五个frie
叫左个活龙虾二人前套餐，第一道菜系北海道带子，一黎到会摆低比你影下相先，见到粒带子已经好大粒，一路见到师傅整都已经流哂口水，佢既烧带子一啲都唔马虎，烧到半熟再会加上鲣鱼汤去煮一阵，鲣鱼汤仲有配埋新鲜海带，食完粒劲大劲鲜甜既带子，再饮埋佢个汤，太享受了。
第二个菜系加拿大银鳕鱼，师傅烧到金黄香脆，银鳕鱼又够肥美嫩滑，重点系见到师傅可以将块鱼皮薄切出黎再烧到脆卜卜，呢下真系叹为观止。
之后就到成餐既重点，活龙虾，师傅先取出龙虾膏炒热，再将龙虾肉成条起出黎，连同啱先嘅虾膏一齐炒，爽口弹牙，又够鲜甜。之后仲有个龙虾汤，真系原只龙虾头摆落去煲，真材实料。
之后就到羊架，烧羊架嘅过程就系见到师傅三两下手势就已经可以将去烧熟，配埋意大利黄瓜、日本番薯同埋冬菇，羊肉劲鲜嫩，一啲都唔膻，同埋好Juicy。
另外套餐仲有炒芽菜同炒饭，芽菜系新加坡芽菜，炒饭又够干身，两款都有樱花虾做配料，好比货。甜品方面仲有蜜桃味雪葩。
环境系一间间房咁，有四五个friend 包一间房都几抵玩，师傅烧既过程真系好睇过风景，又会同你倾下计，介绍下食物，成个用餐体验都好舒服，今日仲见到老板出嚟吹两嘴，完全冇架子。所有食物都系用盐同黑椒简单调味，食材够新鲜先做到。而家午巿仲做紧66折优惠，真系几抵食。
张贴
