影片
更多
2018-05-25
474 浏览
要数最爱既日式料理，你会拣咩？师父发板既寿司？热辣辣既铁板烧？定系香味都引死人既寿喜烧？好难得系香港揾到一间可以集齐以上咁多款我最爱既日式料理既餐厅，而且系高质既餐厅，每个部门都有专家打理，绝对系港岛首推既日式餐厅之一。今次特别既一餐，又食寿司又食铁板铁，一次满足哂两个愿望！左起芝麻酱配山芋，口感清爽带芝麻香味。再配上右边的芝麻豆腐配高汤，开左个胃口！之后再食埋个茄子配酸酸地啫喱，我个胃已经Ready for Sushi啦！先黎品尝生蚝，大大只劲肥美，边个话冇「R」既季节食唔到好味既蚝架？蚝非常肥美，再系上面加上少许紫菜，口感同味道都好特别。之后黎个刺身头盘先，分别有赤陆鱼丶蒸龙虾同梅子。最正既系个龙虾煮得劲好，肉质弹牙唔会过老，味道鲜美，再配上个海胆酱，真系好味到晕啦！鲍鱼，肉质煮到超腍，口感QQ的，真系好豪华呀呢餐！呢个系樱花木烟熏过既大拖罗，拖罗肉质肥美不在话下啦，再加上烟熏过既味道令到口味更有层次，食落冇咁肥腻，真系好正！因为今次坐台，所以寿司一次过上左7件，但食因为食得快所以唔会影响味道！分别有白身鱼丶鸟贝丶海胆牡丹虾丶烧左口丶右口鱼丶烧中拖罗同埋我最爱既海胆！最爱既就系牡丹
今次特别既一餐，又食寿司又食铁板铁，一次满足哂两个愿望！
左起芝麻酱配山芋，口感清爽带芝麻香味。再配上右边的芝麻豆腐配高汤，开左个胃口！
之后再食埋个茄子配酸酸地啫喱，我个胃已经Ready for Sushi啦！
先黎品尝生蚝，大大只劲肥美，边个话冇「R」既季节食唔到好味既蚝架？蚝非常肥美，再系上面加上少许紫菜，口感同味道都好特别。
之后黎个刺身头盘先，分别有赤陆鱼丶蒸龙虾同梅子。
最正既系个龙虾煮得劲好，肉质弹牙唔会过老，味道鲜美，再配上个海胆酱，真系好味到晕啦！
鲍鱼，肉质煮到超腍，口感QQ的，真系好豪华呀呢餐！
呢个系樱花木烟熏过既大拖罗，拖罗肉质肥美不在话下啦，再加上烟熏过既味道令到口味更有层次，食落冇咁肥腻，真系好正！
因为今次坐台，所以寿司一次过上左7件，但食因为食得快所以唔会影响味道！分别有白身鱼丶鸟贝丶海胆牡丹虾丶烧左口丶右口鱼丶烧中拖罗同埋我最爱既海胆！最爱既就系牡丹虾丶海胆同埋烧左口，正到喊！
海胆满满的，流哂口水劲鲜甜呀痴左线！
食完哂寿司，我就开始食铁板烧啦！
一开始就食个前菜先，就系象拔蚌炒杂菇啦。
加左牛油去炒，香味喷到埋身呀！
象拔蚌快炒过之后口感好爽脆，但系味道依然非常鲜味！配上牛油炒过既菇，正正！
主角之一出场啦！就系九州鲍鱼啦！劲大只！重大只过我只手呀痴线！
冇咩形容词，只可以讲既就系爽脆丶鲜美丶正！因为新鲜所以唔洗点调味同埋蘸酱，本身鲍鱼既鲜味同海水味已经好满足！
再黎既就系炸金鲷，系铁板上面炸野真系好特别！
鱼皮炸得劲香脆，下面伴上海胆奶油酱，味道浓郁，鱼肉又香滑，好鲜
食到唔够喉，忍唔住叫多份和牛食！呢块系近江和牛，肉质劲令丶劲厚！
听到充满油脂既肉系铁板上面煎既声音，真系一种享受！
和牛煎完之后唔会太肥，岩岩好。入口劲Juicy，阵阵和牛既油香味冲上个脑到，满足到傻
食完最后，加多个炒饭就岩岩好！
炒得好令，饭粒颗颗分明，加上用日本鸡蛋去炒，鸡香味更浓。
劲肥美既蚬用黎煮汤，味道真系鲜美到不得了。用其他餐厅用味精去冲既蚬汤真系冇得比！
一路饮汤，一路食个炒杂菜清清个口先！
最后当然少不免食多个甜品啦。焦糖牛油多士，真系邪恶到呢
将日本糖撒上面既过程，真系望到好开心。
金黄既颜色劲吸引！味道当然好好食啦！
加多个夕张蜜瓜，完美既一餐！
张贴
