粒粒果甜品 (已結業)

今日睇完模型就去左粒粒果食甜品。呢间甜品地方宽敞干净，坐得又舒服，甜品种类又多。每一款嘅甜品造型都好吸睛，就系一件艺术品咁。见D图咁靓，即刻order 2杯健康嘅yogurt。饮咖啡有拉花好正常，估唔到连食甜品都有拉花，应该比拉花更复杂，拉花只系单调的白色，呢个系一幅彩绘。画得咁靓，都唔舍得饮。杯边贴了士多啤梨片作装饰，洗唔洗咁缤纷彩色。吸一啖滑滑嘅yogurt，好好味，yogurt入面有D一粒粒好似西米嘅嘢，究竟系咩呢? 原来系奇亚籽！呢杯嘢40几蚊，又彩绘，又有奇亚籽，抵到呢，可见呢间甜品店嘅出品非常有heart同有诚意。