名家韓國餐廳

营业中

休息中

有一段长时间冇食传统韩国菜，今日心痒痒同屋企人去铜锣湾shopping 就谂起呢间曾经经常帮衬嘅韩国餐厅。去到发现有好多小朋友同家庭客，原来今日有维港无人机表演。 座落世贸呢间韩国餐厅，出名装修靓，景靓，入边欣赏维港景一边食高质韩国烧烤，确实真系一个享受。一走入餐厅，侍应好热情咁招呼我哋坐低咗喺窗边位置，斟好热茶就送上前菜。前菜有六小碟，泡菜系咁多个小碟之中最好食，辣度适中，亦唔会好酸。我哋点咗两个牛肋骨，一条又腌另一条腌。牛肉高质，烧熟仍然系好腍，有腌过嘅比较好食，所以我哋再encore。人参鸡汤好好味，鸡肉嫩滑，里面嘅糯米有淡淡的人参味，虽然好饱，但系我哋都成个清晒。喺韩国餐厅里面，比较少见到鳝鱼，所以我哋又叫嚟试吓，估唔到又几好食。鲭鱼系我每次必点嘅食物之一，果然系冇令我失望，外脆，鱼肉juicy。值得一赞嘅系，侍应见到我有两个小朋友，好细心咁问我需唔需要帮我将啲食物剪开，呢个举动都几窝心。海鲜煎饼有好多海鲜，但如果可以再脆啲会更完美。总括嚟讲，名家都系我喺香港食过最好嘅韩国餐厅之一。 以景观，食物质素同埋服务，性价比还是算高的。