MUM 日常野菜料理 (已結業)

之前同朋友上网揾素食,见到呢间,不过朋友唔中意喺food court食,所以无拣到.早几日,咁啱喺佐敦,咪行去睇吓.间食肆喺酒店地库, food court内有其他食肆都几吸引,绕了一圈,再睇返呢间 menu同出餐时嘅食物,因为少食日式素食,都系试呢间.点了三项: 昆布汁煮莲藕, 萝卜冬菇关东煮, 同埋 芝麻菠菜职员收款后比了个出餐通知牌我,以为会等好耐,又唔系㖞,好快个牌已经响起.几欣赏日式食物的视觉艺术,一堆啡糸上加啲白色作点缀,讲嘅系–昆布莲藕上洒上芝麻.昆布汁其实系咩味?真系唔知,只能讲无腥味.呢道菜式味道够清. 昆布唔系太软同莲藕的硬度好夹. 关东煮又系视觉上令人开心的.但系冬菇上的味粉令我吃不消,由于没有留意它的份量,没有冲走味粉. 之后我都有用关东煮的汤冲冲其他沾上味粉的.这原本好好的一味关东煮令我有介心地食下去,点解要咁多味粉呢?而我都为呢餐再加色彩,就系𠮶项菠菜. “芝麻菠菜”,但芝麻好似唔够昆布上多噃!这里走日式料理路线,感觉饭唔似用日本米.听说沟米水份难控制,唔知系咪咁呢?平时跟餐嘅汤都细细碗,呢度唔系㖞,而且有料,只系味道一般.