Fiat Caffé (已結業)

一间食肆，要俘虏到食客嘅心，关键在于大厨对烹调食物嘅执著同热诚，装修同布置反而系其次。何解突然咁感慨呢？话说今日晏昼，同朋友出咗去尖沙咀美丽华商场行街，经过 Fiat Caffe 门口，见𥚃面人唔多，地方阔落，以车作布置够晒特别，加上好奇心驱使，经商议后，决定入去一试。我同朋友点咗 Pumpkin Risotto 及 Steak Sandwich 两个 Brunch Set，餐饮嗌咗两杯走冰嘅 Peach Tea。讲卖相，南瓜意大利烩饭，金黄色嘅外表，睇头十足；牛扒三文治上嘅太阳蛋，添咗啲黑松露酱，赢晒！但论味道，完全唔系𠮶回事，失望之余，连番叹息 😮😧...... 烩饭上栗子嘅味道，跟即食𠮶啲毫无分别，饭本身有部分未熟透，勉强合格；三文治块牛扒无落盐，亦食唔到黑松露本身嘅味，个杂菜沙律连黑醋汁都无一滴，两把餐刀完全切唔开底层𠮶块包！当堂投降拧晒头。比佢一次翻身嘅机会？相信短时间内暂时唔会住喇。