基地貳 (已結業)

想试依间餐厅好耐喇！地下系俾客人饮酒嘅地方，而一楼系食泰国菜嘅地方~一上楼就见到以外太空作为主题嘅环形萤幕，充满住银河同星球，间唔中仲有流星一闪而过🌠依次唔单只有视觉享受，仲有味觉嘅享受㗎‼️.Mocktail分别点咗Base Cooler同Ms Beauty🍸🍹右边嘅Base Cooler系芒果同姜汁汽水嘅组合，甜甜地几解渴！另一杯Ms Beauty酸酸甜甜，系一杯混合咗蓝莓同罗勒﹑仲加咗Tonic嘅无酒精饮料❤️.烟熏三文鱼刺身上台个阵有个盖子盖住三文鱼刺身 ，一打开就有阵烟飘出黎，然后就会闻到一股淡淡木头烟熏嘅味道‼️食落系无烟熏味道嘅新鲜厚片三文鱼，记得要连埋蒜片﹑再沾少少底下嘅青酱一齐食，酸酸辣辣好开胃💕.冬荫功卡邦尼意粉将意粉上面嘅蛋黄整烂轻轻搅匀，粗条意粉沾满微酸带少少辣嘅酱汁，整体味道唔错啊！.软壳蟹柚子沙律两只软壳蟹炸得几酥脆，连埋旁边有少少辣嘅柚子沙律一齐食，清爽又开胃✨.香蕉煎饼薄薄嘅煎饼皮包住粗香蕉，上面仲淋满炼奶同朱古力酱，好邪恶啊😂.依间餐厅除咗系影相打卡嘅好地方之外，食物质素都唔错！带情人或者家人黎用餐，相信大家都会食得好开心啊💕