我愛伊斯坦堡 (已搬遷) 新店位置

有惊喜！老板态度亲切友善，餐厅环境布置有心思，有家的感觉，还有几只超可爱的肥猫猫最重要是食物好好味而且土耳其菜其他地方比较小有，我一试难忘，会再去食，真系好值得试，相信试过你都会爱上这间餐厅。我试了四款菜：秘制招牌烤鸡配饭，自家土耳其乳酪芝士炸物拼盘，东欧牛肉肠脆脆薄饼，东欧特色酿素瓜。都好有特色同好好味。好喜欢个炸芝士，用左土耳其嘅乳酪芝士加芫茜做馅，薄饼皮包住炸，外面香脆，乳酪芝士带小小酸味，整体好香好开胃好特别，必试。另外个牛肉肠pizza都好好味，用左来自土耳其嘅牛肉肠，味道偏浓，同芝士都好夹，加埋个好薄好趣嘅薄饼皮，真系好好食。仲有土耳其沙煮咖啡，第一次见沙煮，好有特色，原来饮晒咖啡，啲咖啡渣仲可以占卜，好有趣，老板话好准，哈哈，有兴趣可以占卜下。