小松鼠 (怡豐花園) (已結業)

同朋友谂住食西餐，被餐厅外价钱相宜嘅餐牌吸引，决定试试呢间坐落马田路嘅小餐厅，二人餐十分抵食，我地当晚拣左个SetC 餐包所配嘅酱汁特别，你以为系普通沙拉酱，但竟然夹杂小许芝士味，配上香脆蒜蓉牛油包，十分浓郁可口。头盘薯条份量多，酱汁可以自己任加，而主菜方面当然要试试佢地招牌手打汉堡，汉堡排外层煎到焦焦脆脆，上面有半溶嘅芝士同鸡蛋，食落牛肉味到好浓，果然系招牌菜。而另一款主菜我地叫左肉眼排配意粉。牛排食落好软冧，5成熟岩岩好顺带一提，店员服务好好，店内气氛吾错，我同朋友都话一定要再黎食