雄館特式小廚 (已結業)

像一些楼上食肆，雄馆地方唔大，枱与枱距离近，装修简洁。凉瓜淡而无味味，入口有啲油。弹牙虾胶，面包有少少脆，好彩唔索油，点啲蜜糖芥末酱，食落冇咁漏。每一粒鸡蛋仔都有一粒蚝仔，但鸡蛋仔冇香味唔脆，蚝仔普通，心思同手工搭够。蟹细细只，肉质鲜甜，唔系好多膏，糯米饭好够味，但上枱不久就变硬🙁卖相唔好😳，啲皮缩起晒。鸡肉好淋，入口有浓浓的烟熏味，鸡皮甜甜哋，连鸡胸肉都唔嚡👍🏻送饭后甜品，够姜味，唔系好甜。侍应话可以解吓酒，我哋都冇饮酒😂每位侍应都好亲切，每样𩠌上枱时都讲解做法，亦因有员工朋友声浪太大，同我哋道歉。