潮樓

营业中

休息中

荃湾有好多地方饮茶，每间酒楼都够有特色，每个星期试一间，可以食半年不重复。前身系莲香栈嘅潮楼，保留部份莲香栈嘅特色，再加少少新净时尚装修，环境算系唔错，唔似一般光猛酒楼。记得以前莲香栈，应该系莲香楼嘅同一集团，有好多怀旧美食，有个可爱嘅阿姐会推住点心车叫“虾饺“ ”烧卖”，可惜随著莲香楼成个集团结业， 莲香栈都不能幸免。讲返潮楼，佢哋最抵食嘅系平日早茶时段，孖宝可以食两set唔使100蚊，抵到烂。今日试咗麻酱面，脑海中以为系日式麻酱，点知嚟到先知系肠粉𠮶种麻酱 😆🤣，估唔到系咁鬼“杰”嘅，配落个面度唔系捞得好匀循，口感麻麻地。其他点心实属正常，值得一提嘅系门口阿姐笑容亲切好礼貌，温馨提示积分可以换点心，因为佢哋，系会令人返转头帮衬嘅！