真鮨 (已結業)

今日上完堂要奖励一下自己，同朋友相约八点半去尖沙咀食久违了的日本嘢。上网揾咗依间日本餐厅，原来依间小店喺美丽华𠮶条街，虽然成日都经过，不过就唔多觉眼。一开门己经有服务员落楼梯迎接，可能系平日所以无订位都即刻安排到梳化位置。首先讲讲装修，舖头虽然细但装修唔马虎，好有日本味道，仲有四个Bar枱位。全店大概三十几个位，但都唔会坐得好迫同好嘈，起码我唔会听到隔离食客倾紧咩。「蟹籽沙津」青瓜清甜爽口唔会出晒水，蟹柳份量适中，蟹籽新鲜。「盐烧牛舌心」厚厚牛舌烧得刚刚好，好嫩好juice，咸味适中，牛味重。「至尊寿司B 」一共十五件寿司三文鱼、剑鱼腩、左口鱼边甘香肥美帆立贝、赤虾、八爪鱼鲜甜唯独蟹棒质地较实，鲜味欠逢。「鳗鱼丼」鳗鱼肥厚，份量十足，鳗鱼汁味道适中不过咸，珍珠米弹牙。