亞泰

营业中

休息中

本身住将军澳区，不过好少特登走入去康城，见佢哋早前商场开，所以揾时间走去逛一逛，顺便食晚饭。商场有唔少选择，见到呢间「亚泰」个名好似几亲切，因为通常叫啲熟悉朋友做阿乜阿乜，所以拣咗泰菜嘅亚泰。泰国菜我最想食炸虾饼同冬阴功，所以拣咗冬阴功龙虾汤河、泰式拼盘等等。《泰式拼盘》有虾饼、春卷、凤凰丸，啱啱炸起香脆松化，我钟意食虾饼因内涵全系虾胶，唔似得一啲餐厅用得太多粉，有啃劲得口感确唔同。《冬阴公龙虾汤河》原只龙虾唔系太大只，不过胜在肉爽，吸收咗冬阴公汤汁嘅龙虾肉带酸辣几惹味，仲有牛丸亦系弹牙，唔错。《海南鸡拼猪手饭》鸡肉嫩滑配有三款酱汁食落各有特色，猪手几入味，反而饭唔系太热同唔够鸡油香。椰青水同青柠梳打，椰青水好清新，青柠梳打则酸甜够开胃。