影片
更多
2017-03-05
389 浏览
之前上网睇新闻话黄姜对身体好因为可以帮助消脂减肥！所以即刻search边间餐厅有黄姜饭，俾我揾到呢间喺佐敦嘅印尼餐厅。即刻book咗寻晚去食！一入到去气氛几好，我哋叫咗餐牌上面的Set，然后餐厅店员好快就上一碗印尼虾片，肚饿既我哋即刻清晒。然后嚟咗主菜-斑兰椰香黄姜饭呢一碟饭好多配菜，啱晒我呢啲贪心嘅人！配菜有巴东牛肉、椰香焖什菜、酸辣炸鸡蛋、鱼香花生、薯蓉牛肉饼！ 先试吓个饭先，黄姜味比较少不过个饭炒得几干身，椰香味就有少少，并唔浓郁，但系配巴东牛肉食啱啱好，因巴东牛肉味道偏甜，食饭可以中和返！椰香焖什菜好淋，好入味，食到椰香。酸辣炸鸡蛋反而个鸡蛋唔觉有炸到不过我宁愿唔好炸，因为咁样食会健康啲！鱼香花生好好味同都几辣下，好啱用黎送啤酒。个薯蓉牛肉饼系炸嘅，入面好多薯蓉，好好味！之后就嚟咗印尼虾酱炒通菜，呢个比泰式淡味，不过我就系钟意佢咁样，因为唔咸！最后上嘅系沙嗲串烧，两串鸡肉，两串系牛肉，仲附上一碟酱汁。就咁食就已经好够味，烧得岩岩好，而碟酱汁偏甜所以沾埋一齐食，应该可以送晒成碗饭！讲返口感，鸡肉较嫩，而牛肉就食唔太出有牛味，可能啲烧汁太浓味。食完之后想埋单，店员见到我就走黎问我觉
一入到去气氛几好，我哋叫咗餐牌上面的Set，然后餐厅店员好快就上一碗印尼虾片，肚饿既我哋即刻清晒。
然后嚟咗主菜-斑兰椰香黄姜饭呢一碟饭好多配菜，啱晒我呢啲贪心嘅人！配菜有巴东牛肉、椰香焖什菜、酸辣炸鸡蛋、鱼香花生、薯蓉牛肉饼！
先试吓个饭先，黄姜味比较少不过个饭炒得几干身，椰香味就有少少，并唔浓郁，但系配巴东牛肉食啱啱好，因巴东牛肉味道偏甜，食饭可以中和返！椰香焖什菜好淋，好入味，食到椰香。
酸辣炸鸡蛋反而个鸡蛋唔觉有炸到
不过我宁愿唔好炸，因为咁样食会健康啲！鱼香花生好好味同都几辣下，好啱用黎送啤酒。
个薯蓉牛肉饼系炸嘅，入面好多薯蓉，好好味！
之后就嚟咗印尼虾酱炒通菜，呢个比泰式淡味，不过我就系钟意佢咁样，因为唔咸！
最后上嘅系沙嗲串烧，两串鸡肉，两串系牛肉，仲附上一碟酱汁。就咁食就已经好够味，烧得岩岩好，而碟酱汁偏甜所以沾埋一齐食，应该可以送晒成碗饭！讲返口感，鸡肉较嫩，而牛肉就食唔太出有牛味，可能啲烧汁太浓味。食完之后想埋单，店员见到我就走黎问我觉得啲食物点样。成个过程店员好亲切，仲讲解传统印尼食物嘅味道应该系点样。
呢餐食得好开心，如果多啲餐厅服务好似呢一间咁，我谂每一个香港人都好乐意出街食饭。
张贴
