皇室盛宴 (已結業)

今日又自己一个黎呢到食晏，贪呢到环境舒服可以慢慢食，唔会赶头赶命。依间餐厅既人已经熟到认得我，仲叫得出我个名，几有亲切感，仲有D自豪TIM。今日叫左份海虎虾汤，同个招牌黑松露野菌汤唔同既系今次用左高贵少少既汤碗上 (可能系熟客既关系)，份量比平时多左少少，亦都好饮左少少。今日好快就上主菜，唔驶十分钟。只虾好香，好大阵红椒味，望落都好似好好味，虾肉爽口之余仲有脆脆地，有点似食紧天妇罗，几好食。煎左既冬菇香口，加左D红粉，有少少辣辣既冬菇都系第一次食，唔错。个饭都好正，既有只虾流落黎既烧汁，仲食到有腐乳味，份量刚刚好，唔会太饱。食埋个甜品士多啤梨雪糕就埋单番公司继续做野。