札幌拉麵 Miso No.1 (已結業)

同老公拍拖的时候己经好钟意食呢间正宗的扎幌拉面。虽然而家多佐好多出名的拉面店，但对呢间拉面店的情怀仍然不变。毎两三月必会去食一次。有时去尖沙咀剪完发，都会自己一个人去食。毎次都会坐系 Bar 枱，可以望住师父整拉面。呢间拉面店一直系一个日本老师父驻场。以前系㕑房帮手的员工，现今都变成拉面师父。不过，水准仍然不变。另外，其他楼面员工都做佐好耐，好有亲切感。以前我多数叫香䓤盐味拉面，近呢年受老公影响，转佐钟意食塝蟹面鼓拉面。清甜的塝蟹柳加上浓香面鼓的汤底，另配上粟米及海带，成个配搭好衬。而拉面就好爽。唯一系个半边蛋比较一段啲。不过，蔡 San 都推介呢只拉面架。另外，呢度的虾饺子亦系必食之选。四个字「皮薄饀靓」。而且，外形重相当吸引。有相为证。猪润炒韮菜系我其中一个喜好。猪润炒得啱啱好（其实自己系屋企试个一样的炒法，但猪润好难炒得啱啱好，好易太生或太熟），熟得嚟又吾干。加上蒜片，姜丝及韮菜一齐炒，好香好好味。不过可能因为近年啲嘢贵佐好多，份量亦相对以前少佐好多。