勁嘆燒烤場

营业中

休息中

成日搭車經過見到，決定平安夜試下呢個BBQ場，訂位時老闆娘都已經有種莫名的親切感，由於我人數不多，大節日都可以唔駛我比訂先，很好!早咗到，無乜人，$178一位，雖然食物種類唔多，但應有的都有，各種丸，豬扒，雞扒，牛扒，雞翼，雞全翼，大腸，雞腎，豬頸肉，粟米，瓜，魷魚，厚麵包等……黑椒牛扒薄薄的，很好燒，雞翼有孜然粉味的，有辣的，勁正。呢到連開爐嘅人都好nice，老闆娘就梗加唔駛講，見四圍得得我地一枱，就走嚟關心下我地嘅需要，好warm呀！到晚上抽獎時間呀，雖然老闆娘再三提醒只係小禮物，但抽到我時都難掩我興奮之情，是很重的禮物，打開一睇，笑咗，係汽水6罐正合我需要。其他抽唔到獎嘅人，老闆娘直頭叫佢地出去，一人一支紅酒，太正啦！結果人人都開心。