日記屋 (已結業)

周末假期好去处，就系想揾一间悠闲Cafe，过一个写意宁静嘅下午。 个日游荡间，行左入位于深水埗宁静内街-基龙街嘅呢间Diary House。站在门外，即被门口放置嘅粉红色大型邮筒吸引，绝对系吸睛打卡位！室外仲放置左几个位置，可以一面望住街外人们生活嘅风景，一面享受精品下午茶！室内设有不同坐位，钟意贴近街景嘅我，选择左靠近门口落地玻璃嘅位置坐。至于食物方面，老板推荐左佢地嘅热卖款 - 韩式泡菜牛角包，亚洲与欧洲嘅混合味道，听落都几得意，食落更加有惊喜！微酸及微辣嘅泡菜猪肉，加上牛角包本身自带嘅微甜，令味道相当丰富，不知不觉间一个人已经食晒成个包😋最后重点一提，老板同店员都格外亲切又好倾！