木船 (已結業)

太和站经过商场往消防局方向，过完马路行入去。平日一定排晒长龙，今日特登5:30pm早啲收工去试，天气好冻(7C)，店员好细心，一坐下先来杯热水......"特浓冬阴公汤配虎虾", 煲仔上，热辣辣好香， 足料， 浓浓椰香，少少辣带酸酸蕃茄味，少有地落咗紫色洋葱，甜甜地，味道非常夹，份量够二至四人"街头泰北生菜包" 肉碎做得好香，小小辣，有虾香味，正!店员介绍"黄咖哩牛腩配蒜蓉法包"， 咖哩劲香，辣度可以选择，牛腩好淋，蒜蓉包超级蒜香， 再加上香草洋葱， 前所未有咁好味嘅蒜蓉包喺度揾到， 成个食物都非常之好味!"鲜虾炒金边粉"上面舖上一个蛋网，好有趣， 大大只虾， 感觉甜甜惹味，金边粉不会太淋，好有口感。饮品叫咗香茅特饮 (热) 姜蜜(热)大致上食物嘅味道都较浓，天气冇咁冻叫杯沙冰更理想。