百味村

营业中

休息中

位于Kerry Hotel 既foodcourt，之前经过见到地方都大，有圆枱，方枱，Bar 枱，无论几多人聚餐都一定有合适既枱。呢度仲有提供ikea 既bb highchair, 适合带埋小朋友黎用餐，同场都见到唔少食客都有BB /小朋友同行。呢度用QR code 落单，scan 返自己张枱个code落单，就有专人送埋餐，每张枱都有一大卷环保卫生纸俾你抺下野，配套都几好。scan 完code 就发觉起码1/3 既食物都系写不适用或者售罄，唔知系因为中午12点半时间尚早定咩原因。拣左烧肉眼丼配温泉蛋，黎到实物都吓左一跳。点解明明menu 粉红色既肉眼熟哂既。精美既碗一睇就知系食完都唔饱既份量。味道方面牛味唔重，同超市买块$4x扒煎熟熟差唔多。但个汁系几好味既。另一个就叫左个burger $98手快快拣左，点知原来系冇薯条跟，$98 foodcourt 黎讲又贵左d 了。牛肉系厚身，全熟。薯条要+$25啤酒有得拣既选择已唔多，拣完点知又冇，职员埋黎再问想退钱定再拣其他，最后就拣左呢支少爷啤。环境唔错，又冇限时，地方大，只系食物性价比低。如果唔系附近经过，或者酒店住客，都未必会食。