薯仔屋 (已結業)

今日黎到呢间都几出名 听讲有好多明星都有黎嘅楼上Cafe食野 入到去第一感觉系好有屋企feel 几舒服今次同亲戚啲小朋友一齐黎 真系啱晒！因为入面有劲多野玩 街机 唔同年代嘅board game 模型都有 中意小动物嘅仲可以睇下鹦鹉 仓鼠 摸下兔仔咁 我地呢啲90后都觉得比呢个地方勾起左唔少童年回忆💖野食方面都错 主要系够新鲜热辣辣 分量都唔细 黎得薯仔屋紧系要食薯仔🤣 佢个焗薯几好 焗得够入心 好软滑 上面啲配料好足 特别系啲酸忌廉 正另外佢个心太软系我全场至爱🤪 其实我真系冇见过咁高咁大旧嘅心太软 用枝叉拮落去啲朱古力心流到好似山洪暴发咁🤣🤣 真系用黎打卡都够晒杀食 但佢唔系得个样架 个馅好香浓滑溜 一份都好满足到中意食大大份甜品嘅为食猫🤪