Hunky Dory

营业中

休息中

科学园越来越多餐厅，但呢间依然系我嘅名单入边，主要系对家长来讲真系好方便。可能因为疫情放宽关系，今次嚟就喺室外位置，大人就喺高枱𠮶度一路食一路倾偈，小朋友就食吓又出去跑跑跳跳，开心又放心。而且好欣赏佢呢度嘅食物选项一直都好多，仲有埋儿童餐，职员一见到有小朋友，又会好细心问你要唔要小朋友櫈同儿童餐具。我老公嚟亲都一定要食佢嘅all day，水准不减，而且佢呢度上菜好快。另外叫咗个三文鱼菠菜忌廉汁阔条面俾小朋友，三文鱼煎得够香脆，够热。意粉够creamy 够烟韧。我自己就要咗个龙虾包，大大份，龙虾肉又多，再加埋佢嘅酱汁同芝士，真系好好味！